డిశెంబరులో ఘోర రాజకీయ పరిణామాలను తట్టుకోవడానికే తెలంగాణ వ్యక్తి ముఖ్యమంత్రి

ఎన్.టి.ఆర్ అంటే నాకు అసూయ అందుకే రక్తచరిత్రలో విలన్ గా చూపించా : రాంగోపాల్ వర్మ

రక్తచరిత్ర విడుదలకు ముందు తరువాత వర్మ మీడియాలో కనిపించని రోజంటూ లేదు. ప్రతిరోజు ఏదో  ఒక చానెల్లో కనిపిస్తూనే ఉన్నాడు . ఇది చాలా మందికి దొరకని భాగ్యం. అసలు వర్మ మీడియా వెంట పడుతున్నాడో లేక మీడియానే వర్మ వెంట పడుతుందో తెలియనంతగా ఉంది. ఇక రాము ఇంటర్వ్యూలను చూసే /చదివే వాళ్ళకు విచిత్రమైన అనుభూతులు కలుగుతాయి ... ఎందుకంటే రాము చెప్పే సమాధానాలు అలా ఉంటాయి మరి. తను నిజం చెపుతున్నాడో అబద్ధం చెపుతున్నడో తేల్చుకోవడం వంద శాతం కష్టం . ఇక ఇంటర్వ్యూ చేసే  వాడి పరిస్థితి అయితే చెప్పనే అక్కరలేదు. రామూ నుండి ఏ సమాధానమైతే ఆశించి ప్రశ్న అడుగుతాడో  ఆ సమాధానం రామూ నుండి చస్తే రాదు. ప్రతి ప్రశ్నకూ అతని దగ్గర సమాధానం ఉంటుంది ... అది తప్పైనా కావచ్చు రైటైనా కావచ్చు . ఒక్కోసారి ఆ సమాధానాలు వింటే ఎక్కడో కాలుతుంది. ఇదంతా దృష్టిలో పెట్టుకుని నేనే వర్మని ఇంటర్వ్యూ చేస్తే ఎలా ఉంటుందా అని ఒక చిలిపి ఆలోచన వచ్చింది  . దానికి  బ్లాగు రూపమే ఈ పోస్టు. ఒకవేళ ఇవే ప్రశ్నలను సాక్షాత్తు వర్మనే అడిగితే కొంచెం అటుఇటుగా ఇలాంటి సమాధానాలే చెబుతాడని నా అభిప్రాయం . ఇక చదివి చిత్తగించండి 

ప్రశ్న(నేను): హీరోయిన్లను చెల్లెళ్ళుగా భావిస్తానని ఒక సంధర్భంలో మీరే చెప్పారు ...  అటువంటి వాళ్ళను అర్ధనగ్నంగా ఎలా చూపించగలుగుతున్నారు ? 

జవాబు(వర్మ): పూర్తి నగ్నంగా చూపించడం కుదరదు కాబట్టి 

నేను : నరకానికి వెళ్ళాల్సివస్తే ?
వర్మ  : ఆనందంగా వెళతా ... కాకపోతే అక్కడ శ్రీదేవి ఉండాలి.

నేను  : మీరు తీసే సినిమా ఖచ్చితంగా ప్లాపవుతుందని ముందే తెలిస్తే ఏంచెస్తారు ? ...  ఆపేస్తారా  కంటిన్యూ చేస్తారా ?
వర్మ :  (వెంటనే తడుముకోకుండా ) దానికి సిక్వెల్ కూడా ప్లాన్ చేస్తా 


నేను  : పాలిటిక్స్ పై మీ అభిప్రాయం ?
వర్మ : ఏ పని చేతకానివాడు చేసే పనే పాలిటిక్స్

నేను  : సిస్టం అంటే ఎవరు ? 
వర్మ : నేనే ... నా దగ్గర ఎన్నో కళలకు సబంధించిన  వారు పనిచేస్తారు. వాళ్ళందరిని కోఅర్డినేట్ చేసేది నేనే 

నేను  : ఒక రాత్రంతా స్మసానంలో గడపాల్సివస్తే
వర్మ : నేను తీసిన హార్రర్  సినిమాలను చుస్తూ గడిపేస్తా 

నేను : ఆంత్రమాలి ఊర్మిళా మటోండ్కర్‌లను ఎందుకు పక్కన పెట్టారు ... మీ సినిమాల్లో వాళ్ళు రెగ్యులర్‌గా కనిపిస్తారు కదా !?
వర్మ : చూపించడానికి వాళ్ళలో ఇంకేం లేదు  
  
నేను : దేవున్ని నమ్ముతారా లేక దెయ్యాన్ని నమ్ముతారా ?
వర్మ : దేవుళ్ళుంటే దెయ్యాలుంటాయ్ ... దెయ్యాలుంటే దేవుళ్ళుంటారు. దెయ్యాలు లేకపోతే దేవుళ్ళకు పనుండదు 


నేను : ఆంధ్రప్రదేశ్లో ఎన్.టి.ఆర్  దేవుడితో సమానం ... అటువంటి వ్యక్తిని రక్తచరిత్ర లో విలన్ గా ఎందుకు చూపించారు !? 
వర్మ : (సీరియస్ గా  మొహం పెట్టి... )  ఎన్.టి.ఆర్ అంటే నాకు అసూయ  ... దానికి కారణం శ్రీదేవే ... నాకు శ్రీదేవంటే ఇష్టం ... శ్రీదేవికి ఎన్.టి.ఆర్ అంటే ఇష్టం ... వాళ్ళిద్దరిదీ హిట్ పెయిర్ ... శ్రీదేవి పక్కన ఎన్.టి. ఆర్ ను ఊహించుకోలేకపోతున్నాను ... ఆ కసి తీర్చుకోవడానికే అలా చూపించా .

The Mummy Returns

The Perfect Indian Family

గమనిక : రేపు The Mummy Returns చూడండి

నేను మానసికరోగిని కాను : రాంగోపాల్ వర్మ

 నేను అక్టోబర్ 4 న పోస్ట్ చేసిన " రాంగోపాల్ వర్మా !? ... అతనో మానసికరోగి " అనే ఆర్టికల్ కు రాము సమాధానం సాక్షి ఫన్ డే (10-10-2010)లో వచ్చింది. సాధరణంగా నాకు సాక్షి చూసే అలవాటులేదు ... అనుకోకుండా ఒక స్నేహితుడి ఇంట్లో పేపరు తిరగేస్తుంటే ఇది నాకంట పడింది .దానిని యధాతధంగా దిగువ ఇస్తున్నాను ... అందులో చాలా విషయాలు నేను రాసిన విషయాలతో ఏకీభవిస్తూనే తనదైన శైలిలో సమాధానమిచ్చాడు రాము  అని నా భావన.తాను మానసికరోగిని కానని ... కాకపోతే నా ప్రపంచంలో నేనుంటానని రాము ఉద్దేశ్యం. నా ఆర్టికల్ కు రామూ స్పందిస్తాడని నేను ఊహించలేదు ...కానీ స్పందిస్తే బాగుండును అని అనుకున్నాను .తనదైన బాణీలో స్పందించినందుకు రామూకి కృతజ్ఞతలు.
   
 - థాంక్స్ టు రాము

ఓదార్పు కోసం జగన్ కు మహేష్ బాబు పవన్ కళ్యాన్ ఫోన్

రాంగోపాల్ వర్మా !? ... అతనో మానసికరోగి

రాంగోపాల్ వర్మని జాగ్రత్తగా గమనించేవాళ్ళకి కలిగే అభిప్రాయమిది. తల - తోక లేని స్టేట్మెంట్లు ఇవ్వడం ...  సినిమాలకు పైశాచిక ఇతివృత్తాలను కథలుగా ఎంచుకోవడం  ... ఒంటరిగా కూర్చుని తెరిచివున్న కిటికీలోంచి గంటలు తరబడి గాల్లోకి చూస్తూ ఉండిపోవడం ... ఎవరితోనూ సరైన సంబంధాలు నెరపకపోవడం ... విపరీతమైన ఇగో ప్రదర్శించడం ... ఇవన్నీ వర్మ లక్షణాలు. నువ్వొక మానసికరోగివి అంటే ... రాము ఒప్పుకోడు ... పైగా డబాయిస్తాడు ... ఈ రోజుల్లో రోగం లేనిదెవరికి ? - అని ఎదురు ప్రశ్నిస్తాడు. ఎప్పుడూ తన తప్పును ఒప్పుకోడు . మీ సినిమా ప్లాపయ్యింది కదా అంటే ... అదేం కాదు జనానికి సినిమా చూడడం చేతకాలేదు అంతే అంటాడు. మీరు తీసే పిచ్చి సినిమాలు జనానికి నచ్చాలని రూలేం లేదు కదా ?- అంటే ... చిరాగ్గా మొహం పెట్టి నా సినిమాలన్నీ Advanced గా ఉంటాయ్ ... వాటిని అర్ధం చేసుకోవాలంటే జనానికి చాలా మానసిక పరిణితి అవసరం, అందుకు చాలా ఏళ్ళు పడుతుంది అంటాడు. నా Freqency కి ప్రేక్షకుల Freqency match  కావడం లేదు ... అందుకే ప్లాపవుతున్నాయేమో అంటాడు. జనం Freqency కి match అయ్యే సినిమాలు తీయొచ్చుకదా అంటే ... నేనెవరి కోసమో సినిమాలు తీయను ... నాకోసమే తీస్తాను అంటాడు. నా సినిమా ఆడినా ఆడకపోయినా నాకేం పర్లేదు ... బొంబాయి చుట్టుపక్కల నా సినిమాలంటే పడి సచ్చే జనం ఉన్నారు. వాళ్ళకు నచ్చితే చాలు నా డబ్బులు నాకొస్తాయ్ అంటాడు . సినిమాలు తనకోసమే అయినప్పుడు  తనే ఇంట్లో ఒంటరిగా కూర్చుని గోళ్ళు కొరుక్కుంటూ హోం థియేటర్లో చూసుకోవచ్చుకదా ? జనం మీదకి వదలడమెందుకు ? పోనీ తీసే సినిమాలైనా వినోదాత్మకమైనవీ సందేశాత్మకమైనవీ తీయొచ్చుకదా అంటే ... నేను చెప్పే తొక్కలో సందేశం కోసం ఎవడూ నా సినిమాకి రాడు అంటాడు.

         కొత్తదనం అంటే అసలేమాత్రం నచ్చని మనిషి రాము . తీసిన సినిమాలనే తిప్పితిప్పి రకరకాలుగా తీస్తుంటాడు ... అవే థీం లు, అవే కథలు, అవే స్క్రీన్ ప్లేలు , అవే లైటింగ్ ఎఫెక్టులు, అవే చేజింగులు  ... వర్మ సినిమాల్లో రెగ్యులర్గా కనిపించే అంశాలు . ప్రతిసారీ పాత చింతకాయ పచ్చడేనా? వెరైటీ వద్దూ ? అంటే ... హం ఆప్ కే హై కౌన్ లాంటి సినిమాలు తీయడం నావల్ల కాదు అంటాడు. నిజజీవితంలో అలాంటి సన్నివేశాలు ఉండవు అని తప్పించుకుంటాడు . పోనీ పెద్ద హీరోలు, పేరున్న హీరోలతో సినిమాలు తీయొచ్చుకదా అంటే ... మనోడికి ఇగో ప్రాబ్లం. నేనెళ్ళి వాళ్ళనడిగేదేంటి ... వాళ్ళే వచ్చి నన్నడాగాలి - నాకో సినిమా చేసిపెట్టమని అంటాడు. వాళ్ళెందుకు అడుగుతారు ... వాళ్ళకు ఈయనకంటే ఇగో కదా !.  ఇలాగే పదేళ్ళ క్రితం పాపం అశ్వనీదత్ వర్మను, చిరంజీవిని కలపాలని రెండు సినిమాలు ప్లాన్ చేసాడు. ఒకటి మృత్యుంజయుడు రెండోది మహాత్మా గాంధీ ఆటోబయోగ్రఫీ. మొదటి దాన్లో చిరు హీరో అయితే రాము దర్శకుడు, హీరోయిన్ టాబు. రెండో దాన్లో హీరో చిరంజీవి ఫేన్ . దానికే గెడ్డం చక్రవర్తి హీరో , దర్శకుడు . ఎక్కడ తేడా వచ్చిందో ఏంటో రెండూ మధ్యలో ఆగిపోయాయి. ఆ మొదటి సినిమాలోని రెండు పాటల్నే చూడాలని ఉంది సినిమాకి వాడుకున్నారు. తనకన్నా పెద్ద ఇమేజ్ ఉన్నవాళ్ళతో కలవడానికి రామూ ఒప్పుకోడు. వాళ్ళు ఎక్కడ తనను డామినేట్ చేస్తారోనని భయం ఇదే జబ్బు అతని స్కూల్ నుండి వచ్చిన వాళ్ళకి కూడా వర్తిస్తుంది. పలానా హీరోతో మీరు సినిమా ఎందుకు చెయ్యడంలేదు అంటే రామూ ఏమంటాడో తెలుసా ... నా కథ ఎవర్ని డిమాండ్ చేస్తే వాళ్ళతోనే సినిమా తీస్తాను అని తెలివిగా తప్పించుకుంటాడు. నా దృష్టిలో అది తెలివి అనిపించుకోదు ...  Escapism అనిపించుకుంటుంది. అంతేకాదు తన శిష్యులుగా తనకంటే తెలివైన వాళ్ళను సెలెక్ట్ చేసుకోడు ... వాళ్ళు తనను డామినేట్ చేస్తారని భయం ... పైగా తెలివైన లీడర్ ఎప్పుడూ తనకంటే తెలివైన వాళ్ళను టీం మెంబర్లుగా పెట్టుకోకూడదు అనుకుంటాడు రాము. నా దృష్టిలో దర్శకుడంటే ఎటువంటి ఇమేజున్న హీరోనైనా డీల్ చేయగలగాలి.  రామూతో మాట్లాడేటప్పుడు తప్పకుండా వచ్చే ప్రస్తావన శ్రీదేవి విషయం. శ్రీదేవితో తన వన్ - సైడ్ ప్రేమ గురించి చెప్పకుండా ఉండడు . కేవలం శ్రీదేవి కోసమే వందల సార్లు చూసిన సినిమాలు ఎన్నో ఉన్నాయంటాడు వర్మ. అంత ప్రేమించినవాడు అప్పట్లోనే ఆమెతో చెప్పి ఉండాల్సింది ... తాడో పేడో తేలిపోను.  అలా చేయకుండా పెళ్ళైన తరువాత కూడా ప్రేమిస్తున్నాను ... ఒప్పుకుంటే పెళ్ళి చేసుకుంటాను అంటే ... అది పద్దతి కాదు కదా !?. అప్పట్లోనే శ్రీదేవిని ప్రేమించిన వాళ్ళు ఆంధ్రదేశంలో గుట్టలు గుట్టలుగా ఉండేవాళ్ళు (ఇప్పుడు కూడా ఉన్నారనుకోండి). ఆ మాట కొస్తే శ్రీదేవిని ప్రేమించనివాడెవడు? సంతోషంగా సంసార పక్షంగా సంసారం చేసుకుంటున్న శ్రీదేవితో ఇలాగేనా ప్రవర్తించేది . పాపం బోనీ కపూర్ గతేం కావాలి. రామూ ఎప్పుడూ తన వ్యక్తిగత విషయాలు చెప్పడు. పెళ్ళైందో లేదో తెలీదు. ఒకవేళ అయ్యుంటే పెళ్ళాం బిడ్డలు ఈయనతో ఎలా వేగుతున్నారో ఏంటో ? ఇప్పుడు చెప్పండి ...  రామూని ఏమనాలో ?                              

రోబో దర్శకుడు శంకర్ విజయరహస్యం చెబుతా ... తలా ఒక్కింటికి మూడులక్షలు ఫీజు

అవును ... అక్షరాలా మీరు విన్నది నిజమే. శంకర్ ను అనుకరించాలని ఆయనలా భారీ విజయాలను సాధించాలని మీడియాలో వెలిగిపోవాలని ఏ దర్శకుడికి మాత్ర వుండదు చెప్పండి. ఇప్పటికే ఆయనను అనుకరించి చేతులు కాల్చుకున్న దర్శకులు చాలామంది . శంకర్ లా విజయాలు నమోదు చేయడం అందరికీ సాధ్యం కాదు ... కానీ నేను చెప్పిన విజయరహస్యం విన్న తరువాత దర్శకులకు విజయాల శాతం పెరుగుతుంది . ఈ రహస్యం ఏ సీనియర్ దర్శకుడు కూడా తన అసిస్టెంట్లకు చెప్పిఉండడు. ఎందుకంటే అది ఆ దర్శకుడికి కూడా తెలియదు కాబట్టి . ఒకవేళ తెలిసినా ఎక్కడ తనకు పోటీ వస్తాడోనని ఖచ్చితంగా చెప్పడు. వివరాలు కావలసిన వారు నా ఈ- మెయిల్కు రాయవచ్చు. సినీ పరిశ్రమలోని కాకలు తీరిన దర్శకులు, విజయాల కోసం మొహం వాచిన వాళ్ళు , ఔత్సాహిక దర్శకులు ఎవరైనా సరే సంప్రదించవచ్చు . మిగతా వివరాలకోసం ఇదే బ్లాగులో క్రమం తప్పకుండా చదువుకోవచ్చు.      

పాపం తోట కన్నారావ్ ... రోబో ఏమవుతుందోనని బెంగెట్టుకున్నాడట

ఒక పక్క రోబో రిలీజ్ డేట్ దగ్గర పడుతుంది. అభిమానులంతా ఉత్కంఠంగానూ మరింత ఆశక్తిగానూ ఎదురు చూస్తున్నారు. కానీ రాజమండ్రిలోని ఒక వ్యక్తి మాత్రం శ్రీకృష్ణ ట్రేడర్స్  ఆఫీసులో కాలుగాలిన పిల్లిలా తిరుగుతున్నాడు ... మనిషి టెన్షన్ గా ఉన్నాడు. మధ్య మధ్యలో ఫోను మాట్లాడుతున్నాడు ... ఎవరెవరికో సూచనలిస్తున్నాడు ... అంతా మనీ మేటర్. అతనే రోబో సినిమా తెలుగు హక్కులు పొందిన తోట కన్నారావ్. కన్నారావు సినిమా నిర్మాత కాదు ... అంతకు మునుపు ఒక్క సినిమా కూడా తీసి ఎరుగడు  ... ఆ మాట కొస్తే సినిమా రంగానికి అతను పూర్తిగా కొత్త . మరి అలాంటి వ్యక్తికి ఆ సినిమా హక్కులెలా వచ్చాయి ... పరిశ్రమలోని కొమ్ములు తిరిగిన నిర్మాతలను కాదని అతను ఎలా సంపాధించాడు. ఎక్కడో రాజమండ్రిలో జొన్నల వ్యాపారం చేసుకునే కన్నారావుకి రోబో హక్కులు తీసుకోమని ఎవరు చెప్పారు ? ఎంతోమంది నిర్మాతలు పోటీ పడగా పరిశ్రమకి సంబంధంలేని వ్యక్తికి రైట్స్ ఎలా దక్కాయి ? ... అందుకు సహకరించింది ఎవరు - చక్రం తిప్పిందెవరు ? అంటే  సమాధానం సింపుల్ ... మన మెగాస్టార్ చిరంజీవి . అవును అక్షరాలా నిజం. గోదావరి జిల్లాలలో మెగాస్టార్ కి బంధుగణం ఎక్కువే ... పైగా బాసుకు మంచి పట్టున్న, ఇష్టమైన జిల్లాలు . ఆ బంధుగణంలోని ఒకానొక వ్యక్తే ఈ తోట కన్నారావ్. పోయిన ఎన్నికలలో పి.ఆర్.పి టిక్కెట్ ఆశించి భంగపడ్డాడట. అందుకు ప్రతిగా మన మెగాస్టార్ ఈ ఉపకారం చేసిపెట్టాడట. కన్నారావ్ కి హక్కులు తీసుకోవడం ఇష్టం లేదట ... జొన్నల వ్యాపారంలో పైసా పైసా కూడబెట్టి ఈ స్థాయికొచ్చాను ... ఒకేసారి 30 కోట్లు వెదజల్లాలంటే రిస్కు ఎక్కువ అన్నాడట ... పైగా మనకు టచ్ లేని ఫీల్డు అని మొత్తుకున్నాడట. నీకేం పర్లేదు నీ వెనుక నేనుంటాను అని బాసు భరోసా ఇస్తే జొన్నల వ్యాపారంలో కూడబెట్టిందంతా బయటకు తీసాడట.   అంతవరకూ బానే ఉంది ... ఇదే సినిమాకి హక్కులు కోసం ప్రయత్నించి భంగపడ్డ అవతలి పార్టీ సినిమా విడుదల కాకుండా (వీలైతే విడుదల ఆలస్యం అయ్యేటట్టు) అడ్డంకులు సృష్టిస్తుందట. కన్నారావ్ సినిమాని ఎలా ఆడిస్తాడో చూత్తాం అని ప్రతిజ్ఞలు కూడా చేసారట . ఒక పక్క థియేటర్లు దొరకకుండా చేయడం ... కన్నరావుకి ఫీల్డ్ కొత్త కావడంతో ఎగ్జిబిటర్లు/డిస్టిబ్యూటర్లు  పావలాకి రూపాయికీ బేరాలాడటంలాంటి పనులు చేస్తున్నరట. 30 కోట్లు ఖర్చు పెట్టేసాను ... బిజినెస్ పూర్తికాలేదు ... ఒకసారి  సినిమా విడుదల వాయిదా వేసాను అని తోటి జొన్నల వ్యాపారస్థుల దగ్గర వాపోతున్నాడట ... Any How సినిమా విడుదల అవ్వాలని ... ఆపై ఘన విజయం సాధించాలని కోరుకుందాం ... ఎందుకంటే కన్నరావ్ గురించి కకపోయినా నా గురించైనా సినిమా హిట్టవుతుంది ... ఎందుకంటే నేను శంకర్ అభిమానిని కదా.  

Sankar's Official Website: 

http://www.directorshankaronline.com/

హమ్మయ్య కొమరం పులి దొబ్బింది ... నా మనసు కుదుటపడింది

 కొమరం పులి విడుదలకు ముందు అది ఎక్కడ హిట్టయిపోతుందో మళ్ళీ పవన్ కళ్యాణ్ జనజీవన స్రవంతిలో కలిసిపోతాడోనని తెగ హైరానా పడిపోయేవాడిని. హిట్ కాదని ఖచ్చితంగా తెలుసు ... అయినా మనసులో చిన్న అనుమానం ... ఒకవేళ హిట్ అయితే ఏం చేయాలి ? - అనేది కొమరం పులి బడ్జెట్ అంత ప్రశ్న . మళ్ళీ అంతలోనే ధైర్యం ... కొమరం పులి హిట్ కాదని. అప్పుడు గుర్తొచ్చింది రెహమాన్ తెలుగులో సంగీత దర్శకత్వం వహించిన సినిమాలు ఒక్కటికూడా ఆడలేదని. అంతే ఎక్కడి లేని ధైర్యం వచ్చేసింది. ఇక ప్రపంచంలో ఎవడూ కొమరం పులిని ప్లాప్ అవకుండా ఆపలేడు అన్న ధీమాతో  ఆ రాత్రి ప్రశాంతంగా నిద్రపోయాను.  తెల్లారింది ... శుభవార్త కోసం ఎదురు చూస్తున్నాను ... ముందు ఆ వార్త ఎవడు చెబితే వాడికి ఒక ఆశ చాక్లెట్ ఇవ్వాలని ముందు రోజు రాత్రే కొన్నాను . ఆ సమయం రానే వచ్చింది ... సినిమా చూసి మా ఇంటి ముందు నుండి నీరసంగా పోతున్న వీర్రాజును ఆపి విషయం అడిగాను ... ఇంకేముందు మనం ఊహించిందే జరిగింది ... అంతే ఆ చాక్లెట్ను వాడి నోట్లో పెట్టి ఇంట్లోకి పరుగుతీసాను ...ఈ సంతోషాన్ని ఉదయ్ కిరణ్ అభిమానులతో పంచుకుందామని. విషయం అర్ధంకాని వీర్రాజు బుర్రగోక్కుంటూ సినిమా దొబ్బిందన్న బెంగతో చాక్లెట్ చీక్కుంటూ ఇంటి మొగం పట్టాడు. 
  
నేనూ ఒకప్పుడు  అందరిలానే చిరంజీవికి వీరాభిమానిని ... కొత్త సినిమా రిలీజ్ అయినప్పుడు కటౌట్లు కట్టడం,  జెండాలు అంటించడం ( అంటించడమంటే అగ్గిపుల్ల గీసి అంటించడం కాదు ) లాంటివి కాకపోయినా ... మొదటిరోజు మొదటి ఆట చూసేటంత ... నచ్చినా నచ్చకపోయినా అయిదారుసార్లు చూడాల్సిందే. హిట్టు ప్లాపులతో నిమిత్తమేలేదు. అది బాసు సినిమా అయితే చాలు. ఇదంతా గత చరిత్ర . ఇప్పుడంతా తారుమారైపోయింది. అది ఎంతంటే బాసు సినిమా చూడకూడదన్నంత. ఏ ... ఎందుకంత కసి ... చిరంజీవి ఏం పాపం చేసాడు ...నీకేమైనా ద్రోహం చేసాడు అంటే ... నాకేం ద్రోహం చేయలేదు ... ఉదయ్ కిరణ్ కి చేసాడు ... అందుకే ఇదంతా. ఒకప్పుడు చిరంజీవి అంటే సినీ హీరోగానే కాదు మంచి మనిషిగా, కమిట్మెంట్ ఉన్న వ్యక్తిగా అభిమానించేవాడిని. బాసు ఏ విషయమైనా చాలా బేలన్స్ గా ఆలోశిస్తాడని, చాలా సున్నిత మనస్కుడని ఇండస్ట్రీలో పెద్ద పేరు. కానీ బాసు తన కూతురు వివాహ విషయంలో చాలా డొంకతిరుగుడుగా వ్యవహరించాడు. అతని స్తాయికి తగ్గట్టు ప్రవర్తించలేదు . ముందు తనే ఉదయ్ కిరణ్ తో నిశ్చితార్ధం చేసుకున్నాడు. ఉదయ్ ను చూస్తుంటే కెరియర్ మొదట్లో నేను ఎలా ఉన్నానో అలా ఉన్నాడని ... అతనిలో తనను తాను చూసుకుంటున్నానని , అతనిది తనలానే కష్టపడే మనస్తత్వమని కూడా ప్రకటించాడు . ఇది విన్న ఉదయ్ కిరణ్ తన స్టైల్లో " చిరంజీవంటే తన కెంతో ఇష్టమని ... చిరంజీవికి తాను వీరాభిమానినన్ ఇ" ఎక్కడపడితే అక్కడ అడిగినవాడికి అడగనివాడికి కూడా చెప్పేవాడు . అప్పటికి ఉదయ్ కిరణ్ మంచి ఊపుమీద ఉన్నాడు . ఇంకేముంది మెగాస్టార్ కి కాబోయే అల్లుడు అంటూ అతన్ని మీడియా ఆకాశానికి ఎత్తేసింది. చాలా మంది నిర్మాతలు అతనితో సినిమాలు తీయడానికి క్యూ కట్టారు. అలాగే చిరంజీవి సొంత బేనర్ అంజనా ప్రొడక్షన్స్ బేనర్ మీద ఒక సినిమా  చేద్దామనుకున్నారు. మీడియా అయితే ఏకంగా పెళ్ళి ఎక్కడ జరగనున్నదో ఊహించి గాలి కబుర్లు ప్రచారం చేసింది. చిరంజీవి సొంత గ్రామం మొగల్తూరు లో అని ఒకరోజు ... ఉదయ్ కిరణ్ ఊరు కాకినాడలో అని ఒకరోజు  ఇలా ఉండేవి మీడియా కథనాలు. పెళ్ళికి ప్రముఖులు రావడానికి వీలుగా మొగల్తూరులో హెలీపాడ్ ( హెలికాప్టర్లు , చిన్న చిన్న విమానాలూ దిగడానికి) కూడా సిద్ధం చేస్తున్నారంటూ మీడియా హోరెత్తించేది.
 
దాదాపు ఐదారు నెలలు ఈ వార్తతో మీడియా పండగ చేసుకుంది. ఉదయ్ కిరణ్ ను  తన్నకపోయినా బూరెల బుట్టలో పడ్డాడనుకున్నాను ... అతనికి అదృష్టం దరిద్రం పట్టినట్టు పట్టిందనుకున్నాను. అంతే ఒకానొక రోజు బాసు చావు కబురు చల్లగా చెప్పాడు ... రెండువైపుల కుటుంబాలు ఆలోశించి  నిశ్చితార్ధం రద్దు చేసుకున్నామని ... కానీ కారణాలు చెప్పలేదు. ఎతావాతా తెలిసింది ఏంటంటే చిరంజీవి  ఉదయ్ కిరణ్ ఒకే కమ్యూనిటీ కాదంట. అందుకని బామ్మర్ది , చిన్నతమ్ముడు సంబంధం కేన్సిల్ చేయమని ఇంట్లో గొడవ పెడితే వాళ్ళ పోరు పడలేక ఈ నిర్ణయం తీసుకున్నాడట .అప్పటినుండీ ఉదయ కిరణ్ కెరియర్ మసకబారింది. అతను సినిమాలలో కనిపించడమే మానేసాడు. ఇప్పుడైతే ఎక్కడున్నాడో కూడా తెలీదు. దీనికంతటికీ కారణం ఎవరు ... బాసు అతని తమ్ముడు, బామ్మర్ది. అంతే నాకు ఎక్కడో కాలింది. అప్పటివరకూ బాసు మీద ఉన్న అభిమానమంతా వికారంగా మారింది . ఏంటీ ఇదంతా ... బాసుకు ఈ విషయం ముందు తెలీదా ? చిన్నపామునైనా పెద్ద కర్రతో కొట్టే బాసు ఎందుకింత అనాలోచిత నిర్ణయం తీసుకున్నాడు అని ఒకటే ఆలోచన . పక్కనున్న రజనీకాంత్ చూడండి కూతురు ప్రేమించిన వ్యక్తితో ( తన స్థాయికి తగకపోయినా ) పెళ్ళి జరిపించి పెద్దమనిషి అనిపించుకున్నాడు. ఎందుకు బాసు రజనీలా ఆలోచించలేకపోయాడు . దీనికంతటికీ కారణం తమ్ముడు, బామ్మర్ది . అంతే అప్పటినుండి చిరంజీవి కేరెక్టర్ మీద నాకొక అపనమ్మకం ... అతని కమిట్మెంట్ మీద అవిశ్వాసం. అప్పటినుండీ అతని సినిమాలంటే వ్యతిరేకత . సినిమాలో అతను చెప్పే నీతులన్నీ వట్టిదే అని నమ్మకం . అప్పటినుండి వాళ్ళ సినిమాలు దొబ్బెయ్యాలని మనస్పూర్తిగా కోరుకుంటున్నాను      

*ఈ సోదంతా ఎవ్వరినీ బాధ పెట్టడానికి కాదు ... నన్ను నేను సంతృప్తి పరచుకోవడానికి మాత్రమే