దేవుడు మరణించాడు

పుట్టపర్తి సాయిబాబా దాదాపుగా మరణించినట్లు మీడియా కథనాల ద్వారా తెలుస్తుంది. గత రాత్రినుండి మీడియాలో వస్తున్న వివిధ పొంతనలేని కథనాలు , బాబా మెడికల్ బులిటెన్లు , పుట్టపర్తిలో భక్తులను సమాధాన పరచడానికి వైద్యులు ,అధికారులు చేస్తున్న వివిధ చేష్టలు ( పట్టణంలో విద్యుత్ తీసివేయడం , బాబా కాలు కదిపాడని , వేలు మెదిపాడని , తాగడానికి మచినీళ్ళు అడిగాడని  మొదలైనవి)  దీనిని రూడి చేస్తున్నాయి. ఇప్పటికే రాష్ట్రంలోని వివిధ రాజకీయ ప్రముఖులకు విషయం తెలియడంతో వారంతా తమ పర్యటనలను రద్దు చేసుకుని పుట్టపర్తి చేరుకుంటున్నారు. అధికారికంగా ప్రకటించాల్సి ఉంది. ప్రముఖులంతా పుట్టపర్తి చేరుకున్న తరువాత వార్తను అధికారికంగా ప్రకటించాలని ప్రభుత్వ ఉద్దేశ్యంగా కనిపిస్తుంది. ఈ విషయాన్ని ముందే ప్రకటిస్తే రాష్ట్రమంతా , ముఖ్యంగా పుట్టపర్తి అంతటా అలజడులు లేచి శాంతిభధ్రతల సమస్య తలెత్తుతుందని ప్రభుత్వ అంచనా.